Ginugunita ngayong June 17 ang World Crocodile Day. Ang araw na ito ay paalala tungkol sa isang mahalagang bahagi ng ating kalikasan—ang mga buwaya.
Kahit madalas silang kinatatakutan, sila ay may mahalagang papel sa pagpapanatili ng balanse sa mga ilog, lawa, at wetlands.
Sa natural na ecosystem, ang mga buwaya ay tumutulong upang makontrol ang populasyon ng ilang hayop at mapanatiling maayos ang daloy ng buhay sa kanilang tirahan. Kaya’t hindi lang sila basta hayop na dapat katakutan, kundi bahagi rin ng mas malaking sistema ng kalikasan.
Layunin din ng araw na ito na itaas ang kamalayan sa pangangalaga sa kanilang mga habitat, dahil may ilang species ng buwaya na nanganganib na maubos dahil sa pagkasira ng kanilang tirahan at iba pang panganib.
Mahalagang matutunan natin na ang bawat nilalang sa kalikasan ay may kanya-kanyang papel. Ang pagprotekta sa wildlife ay pagprotekta rin sa kinabukasan ng ating kapaligiran..
