Inihayag ni U.S. President Donald Trump nitong Miyerkules na ang mga bansa na magpapadala ng military weapons sa Iran ay papatawan ng 50% taripa sa kanilang mga import sa Amerika, nang walang anumang exemption.
Sa kanyang post sa Truth Social, sinabi ni Trump: “A Country supplying Military Weapons to Iran will be immediately tariffed, on any and all goods sold to the United States of America, 50%, effective immediately. There will be no exclusions or exemptions!”
Ang anunsyo ay dumating ilang oras lamang matapos ang pagpasok sa dalawang linggong ceasefire sa Tehran.
Hindi tinukoy ni Trump kung aling legal na batayan ang gagamitin upang ipatupad ang taripa, lalo na matapos tanggalin ng Supreme Court of the United States noong Pebrero ang kanyang paggamit ng International Emergency Economic Powers Act (IEEPA) para magpataw ng malawakang global tariffs.
Dahil dito, inutusan ng mas mababang korte ang refund ng humigit-kumulang $166 billion na nakolekta sa loob ng isang taon.
Ginamit ang IEEPA simula pa noong 1977 upang suportahan ang financial sanctions laban sa Iran, Russia, at North Korea, ngunit tinukoy ng korte na lumampas sa hangganan ang dating presidente sa paggamit nito para sa trade tariffs.
Bagama’t hindi direktang binanggit ni Trump kung aling mga bansa ang tatawan ng taripa, kilala ang China at Russia sa pagbibigay ng military aid sa Iran, kabilang ang missile systems, air-defense units, at teknolohiyang pampang-depensa laban sa U.S. at Israel.
