Nahuli ang isang target-listed na personalidad sa droga sa isang matagumpay na buy-bust operation ng PDEA RO12 sa Purok Mapayapa, Barangay General Paulino Santos, bandang 12:15 ng tanghali noong Marso 11, 2026.
Pinangunahan ng PDEA South Cotabato Provincial Office ang operasyon, katuwang ang PDEA RO12 Regional Special Enforcement Team, PNP South Cotabato Provincial Police Office – Police Drug Enforcement Unit, at PNP Koronadal City Police Station – City Drug Enforcement Unit.
Arestado si alias “Bossing,” 26 taong gulang, walang trabaho, at residente ng Purok Mapayapa, Barangay GPS. Kilala ang suspek bilang recidivist na nahuli na rin ng PNP noong 2023 sa kaugnay na droga.
Narekober sa operasyon ang isang heat-sealed na transparent plastic sachet na may puting kristal na pinaghihinalaang shabu, kasama ang buy-bust money.
Isasampa laban sa suspek ang kaso sa ilalim ng Section 5, Article II ng Republic Act 9165 o ang Comprehensive Dangerous Drugs Act of 2002.
Iginiit ng PDEA RO12 ang kanilang patuloy na pakikipagtulungan sa mga partner law enforcement agencies para mas mapalakas ang anti-illegal drug operations at mapanatiling ligtas ang komunidad.
