Pormal nang nahalal si Senador Sherwin “Win” Gatchalian bilang bagong Senate President matapos pagtibayin ng Senado ang pagbabago sa liderato ng Mataas na Kapulungan ngayong Miyerkules.
Nagkakaisang bumoto pabor kay Gatchalian ang 13 senador na dumalo sa espesyal na sesyon na ipinatawag upang talakayin ang mga nakabinbing panukalang batas at iba pang mahahalagang usapin sa Kongreso.
Pormal na rin nitong tinuldukan ang panunungkulan ni Senador Alan Peter Cayetano bilang Senate President matapos ang ilang linggong sigalot sa liderato ng Senado.
Matatandaang unang nagsilbing acting Senate President si Gatchalian noong unang bahagi ng Hunyo kasunod ng pagkakabuo ng bagong mayorya sa Senado.
Inaasahang pangungunahan ni Gatchalian ang Senado sa mga susunod na sesyon, kabilang ang mga mahahalagang usaping lehislatibo at iba pang nakatakdang talakayin ng kapulungan.
