Idineploy narin ang mga sundalo mula sa 101st Infantry “Three Red Arrows” Brigade ng Philippine Army sa Malabang, Lanao del Sur para tumulong sa pagpapanatili ng seguridad sa 2026 Bangsamoro Parliamentary Election o BPE.
Isinagawa ang send-off ceremony kahapon Agosto 25 sa Brigade Headquarters Multipurpose Hall sa Barangay Matalin, Malabang, sa pangunguna ni Brigadier General Yasser R. Bara.
Bago ang deployment, sumailalim ang mga tauhan sa training at briefing hinggil sa election security, cultural sensitivity, election-related activities, at mga tungkulin ng AFP at PNP sa panahon ng halalan.
Inatasan ang mga sundalo na panatilihin ang professionalism, impartiality at paggalang sa karapatan ng mga botante, habang makikipag-ugnayan sa COMELEC, PNP, local government units at iba pang stakeholders.
Binigyang-diin ni BGen. Bara ang kahalagahan ng maayos na paghahanda at koordinasyon sa pagsasagawa ng election security mission.
Samantala, hinikayat ni Atty. Renault C. Macarambon, Provincial Election Supervisor at Assistant Regional Election Director ng BARMM, ang mga security personnel na sundin ang election laws at regulations.
