Bilang pagakto sa natanggap na sumbong ng isa sa mga biktima na taga bayan ng Datu Odin Sinsuat, Maguindanao Norte na nawalan ng kanyang motorsiklo, nagkasa ng isang entrapment operstions ang Cotabato City Police Station 1 katuwang ang Datu Odin Sinsuat MPS sa pamamahay ng hinihinalang tumangay sa motorsiklo ng nasabing complainant na nagresulta sa pagkakarekober ng isang pula na Suzuki na motor na pagmamay ari ng biktima at pagkakahuli ng suspek.
Bukod pa rito, narekober pa ang tatlo na yunit ng motor na pinaniniwalaang ninakaw ng suspek na si Malil Mamalak y Abag, 34 na residente ng Barangay RH 3.
Sangkot umano sa bentahan ng chopchop parts ng motor ang naturang suspek at ibinebenta ito sa murang halaga.
Nasa pag-iingat na ng HPG o Highway Patrol Group ang mga motor maging ang suspek para sa beripikasyon at pagpapanagot dito.
