Natagpuan na ng pulisya ang sinakyan na pick-up ng mga suspek sa kahindik-hindik at madugong buy-bust operations sa bahagi ng Simuay, Sultan Kudarat, Maguindanao Del Norte.
Nitong biyernes ng tanghali naganap ang buy-bust kung saan nauwi ito sa panlalaban ng mga suspek sa operatiba na nagresulta naman sa pagkakasawi ng dalawang miyembro ng pulisya, pagkakasugat ng dalawa pang pulis at pagkakaaresto naman ng dalawang suspek.
Ginamit aniya ng mga suspek ang pickup truck sa transaksyon at nakatakas ito ng matunugan na operatiba pala ang kanilang kaharap.
Inabandona naman ang sasakyan sa maisang bahagi sa lugar habang patuloy naman sa paghahanap ang PNP sa dalawa pang suspek na nakatakas sa operasyon.
