Arestado ng PDEA Tawi Tawi ang isang high value target sa naging drug buybust operations nito sa Barangay Poblacion sa bayan ng Bongao kamakalawa.
Nakuha sa suspek ang isang piraso ng heat sealed transparent plastic sachet ng hinihinalang shabu na may bigat na aabot sa 50 gramo at may standard na presyong aabot sa 340,000.
Nakuha din dito ang bust money at mga identification cards.
Nakilala naman ang suspek na si Rossbirt Alih Maddan, may alyas na Ungud at isang mangangalakal ng isfa na nakatira sa bayan ng Languyan.
Nasa kustodiya na ngayon ng Bongao PNP ang suspek habang hinihintay ito na mainquest para sa paglabag nito sa RA 9165 o ang Comprehensive Dangerous Drugs Act of 2002.
