Sa piitan na aabutin ng kapaskuhan at bagong taon ang dalawang suspek na inaresto sa operasyon kontra iligal na droga ng kapulisan sa bahagi ng Purok Mainuswagon, Barangay Benitez sa bayan ng Banga, South Cotabato, hapon ng Miyerkules, Nobyembre 27.
Kinilala ang mga suspek sa alyas na sina Lito, 42 at Niel, 53, pawang mga jobless at nakatira sa Barangay Improgo sa nasabing munisipalidad.
Nakorner ng kapulisan ang dalawa matapos nitong mapagbentahan ng isang sachet ng suspetsadong shabu ang undercover agent ng pulisya.
Nakakumpiska pa dito ang BANGA PNP ng 40 large sachets ng hinihinalang shabu na may tantiyadong halaga na 1.3 milyong piso.
Bukod sa nasabing epektos, nabawi rin ng kapulisan ang 1,000 na bill ar 14 pirasong 1,000 na ginamit bilang boodle money sa operasyon.
Mahaharap sa kasong may kinalaman sa paglabag sa Comprehensive Dangerous Drugs Act of 2002 ang mga inarestong indibidwal.
