Sugatan ang magkasintahang nakamotor matapos na makabanggan ang isa pang motorista sa Barangay Noa sa bayan ng Magpet, North Cotabato kamakalawa ng hapon.
Kinilala ang magkasintahang biktima na sina Mike Jade Agudo na taga Arakan na nagmamaneho ng sniper motorcycle at ang angkas na kasintahan nito na si Rosal Jane Bacalzo na isang guro na taga Kabacan.
Sugatan naman sa insidente ang nakasalpukan nilang si Andoy Barriga na taga Magpet. Pauwi na sana ng Arakan sina Agudo at Bacalzo habang nakasalubong na direksyon si Barriga at ng makarating sa pinangyarihan, dito na nagkasalpukan ang dalawa.
Pinaniniwalaang nasa impluensya ng nakalalasing na inumin ang driver ng Rusi habang nakahandusay at nawalan ng malay ang dalawang driver at sugatan naman ang gurong angkas.
Naisugod sa pagamutan ang tatlo upang tumanggap ng paunang lunas sa kanilang mga tinamo na sugat.
