Kalaboso ang isang Wanted Person sa Barangay Narra Sultan Kudarat Maguindanao del Norte, kahapon araw ng Martes December 24, 2024 matapos ang paghahain dito ng Warrant of Arrest ng mga otoridad.
Sa nakalap ng Star FM Cotabato News Team na impormasyon mula sa Sultan Kudarat MPS, ang suspetsado ay kinilalang si Balundo Akad Marcos alyas Balundo 32 anyos, at isang magsasaka.
Kinakaharap ng suspek ang kasong paglabag sa Republic Act 10591 o Comprehensive Law on Firearms and Ammunition Regulation Act.
Tinaguriang Top 6 Most Wanted Person si alyas Balundo sa municipal level at matagal naring pinag hahanap ito ng mga otoridad.
Nasa kustodiya na ngayon ng Sultan Kudarat MPS ang suspek upang harapin ang kaso nito.
