Kinumpirma sa mismong Facebook post ng COMELEC ang tuluyan nang pagpanaw sa pagamutan ng kapatid ng tauhan nito na Provincial Election Officer sa lalawigan ng Sulu na tinambangan sa lungsod ng Zamboanga nitong weekend.
Naisugod pa sa bahay pagamutan ang biktima na si Naser Asiri ngunit ito ay sinawimpalad dala ng tama ng bala sa ulo nito. Si Asiri ay ang kapatid ni Sulu Provincial Election Supervisor Atty. Vidzfar Julie na mirakulong di natamaan at nakaligtas sa pananambang.
Una nang kinondena ng komisyon at mismong ni COMELEC Chairman Atty. George Erwin Mojica Garcia ang naturang pananambang.
Mahigpit ngayon ang panawagan ng komisyon sa pulisya partikular na sa Zamboanga City Police Office upang matutukan ang imbestigasyon sa pananambang at mapanagot ang may sala dito.
