Nabuwag ng PDEA BARMM ang isang drug den habang tatlo naman na suspek ang nahuli sa ikinasa nitong drug buy-bust sa Purok Shariff Malagapas, Rosary Heights 10 nitong lungsod.
Kinilala ang nahuli na sina Rodrigo Pardillo Sr. y Paragoso na pinaniniwalaang drug den maintainer, anak nito na si Rodrigo Pardillo Jr. y Dinggal habang kinilala naman ang kasamahan nito na si Jayjay Apiag y Buot na may alyas Potchie.
Nakuha naman sa tatlo ang 18 na piraso ng heat-sealed transparent sachet ng suspected shabu na may bigat na 22 grams at may katumbas na halagang P149,600.00 mga parapernalya at ang boodle money na ginamit sa transaksyon.
Sa ngayon, nasa kustodiya na ng PDEA BARMM ang mga adik at mahaharap sa kasong paglabag sa RA 9165.
