Matagumpay na nahuli ng mga operatiba ng Philippine Drug Enforcement Agency – Drug Enforcement Officers ng Bangsamoro Autonomous Region in Muslim Mindanao (PDEA BARMM), katuwang ang Barangay Anti-Drug Abuse Council (BADAC), ang dalawang drug personalities sa isang buy-bust operation noong Abril 3, 2025, bandang 7:00 ng gabi nitong Huwebes sa Pedro Colina Hill, RH 1, Cotabato City. April 03, 2025
Ang operasyon, na isinagawa sa ilalim ng pamamahala ni Director Castro, ay nagresulta sa pagkaka-aresto ng magkasintahang sina Jhanine (Grace), 26, at Jude, 25, isang pintor.
Ang dalawa ay kilala sa kanilang ilegal na negosyo ng droga sa mga kalapit na bayan ng Maguindanao at Cotabato City.
Sila ay nahaharap ngayon sa mga kasong paglabag sa Republic Act 9165 o ang Comprehensive Dangerous Drugs Act.
Nasamsam sa kanila ang isang (1) piraso ng heat-sealed transparent plastic sachet na naglalaman ng Shabu na may timbang na 5 gramo, dalawang (2) piraso ng transparent plastic sachet ng mga tuyong dahon ng marijuana na may timbang na 12 gramo, lahat ay nagkakahalaga ng Php35,440, buy-bust money, iba’t ibang drug paraphernalia, isang ID, isang (1) mobile phone, at iba’t ibang dokumento ng pinansyal.
