Inilibing na sa kanyang huling hantungan ang isang Police Intel Officer na si PMsgt. John Manuel Bongcawil na binaril patay sa harapan ng kanyang magi-na sa isang parking area ng mall sa Cotabato City.
Labis na nagdadalamhati ang mga malalapit na kaibigan at kaanak ng naturang pulis habang dinadala ito sa kanyang huling hantungan sa Marian Hills Memorial Park sa lungsod.
Samantala, lima ang tinutunton ngayon ng Cotabato City PNP bilang mga persons of interest sa karumaldumal na pagpatay sa kanilang kabaro na si PMSGT Bongcawil.
