“MA BOARD PASSER NA AKO”
Isang nakakaantig na tagpo ang nakunan ng video kung saan hindi maipaliwanag ang maging reaksyon ng isang service crew na si Lyka Jane Nagal na taga Cabanatuan City matapos na malaman nito na nakapasa siya sa Licensure Examination for Teachers (LET).
Nakuhanan ng video ni Caizer Jhon Lumibao, katrabaho ni Nagal habang ito ay abala sa pag serve sa mga customer ng tinatrabahuang fast food chain bigla na lamang itong tinawag ng kaniyang manager.
Walang kaalam-alam ang nasabing service crew kung bakit siya pinatawag, ngunit ng inanunsyo ng kaniyang manager na isa na itong LET passer ay bigla na lamang itong tumalon-talon dahil sa sobrang kasiyahan.
Hindi naman nito mapigilan ang pag-iyak habang yakap-yakap nito ang mga kasamahan sa trabaho.
Kahit na tuloy-tuloy ito sa pag-serve sa mga kustomer, kapansin-pansin parin ang kasiyahan nito na nakaukit sa kaniyang mukha.
Ayon kay Nagal, hindi nito alam kung paano magpasalamat dahil kaniya ng natupad ang matagal niya ng pinapangarap.
