Nagbigay ng abiso ang Philippine Coast Guard noong Pebrero 23, 2026, kaugnay ng anim na mangingisdang nawawala matapos magsagawa ng fishing venture sa waters off Manay, Davao Oriental noong Pebrero 20.
Kinilala ang mga nawawalang mangingisda bilang sina Ignacio Manuel, 52 taong gulang; Cristobal Manuel, 27 taong gulang; Jose Sarajena, 70 taong gulang; Darwin Mag-Aso, 43 taong gulang; Alejandro Dormal Jr., 48 taong gulang; at Jacinto Pacyao, 56 taong gulang. Sila ay sakay ng Motor Banca (MBCA) “LEIZL”, at hanggang sa kasalukuyan ay hindi pa nakabalik sa kanilang tahanan.
Binigyang-diin ng Coast Guard na ang lahat ng barko, watercraft, at mga mangingisda sa nasabing lugar ay mag-ingat at maging alerto. Kapag nakita ang mga nawawalang mangingisda o ang kanilang bangka, agad itong i-report sa pinakamalapit na Coast Guard Station sa pamamagitan ng hotline 0966-837-0536. Kalakip ng abiso ang mga larawan ng anim na nawawalang mangingisda at ng Motor Banca “LEIZL” upang makatulong sa mabilis na pagkakakilanlan at agarang aksyon.
SOURCE: Coast Guard Station Davao Oriental
