Isang 35-anyos na babae ang natagpuang patay matapos umano siyang looban sa Project Site, Purok Omar Malagapas, Rosary Heights 10, Cotabato City.
Kinilala ng City Police Station 2 ang biktima na si Nadine Tanghal, residente ng Mother Tamontaka.
Ayon sa ulat, alas-1 ng madaling araw nang marinig ang putok ng baril, at nang respondehan ay nadiskubreng may tama ng bala sa ulo ang biktima.
Isinugod pa siya sa ospital pero idineklarang dead on arrival.
Patuloy ang imbestigasyon ng pulisya upang matukoy ang suspek.
Napag-alamang may naganap na buy-bust operation sa lugar bago ang krimen, kung saan tatlong drug suspects ang naaresto.
