Patuloy ang isinasagawang monitoring ng Municipal Disaster Risk Reduction and Management Office o MDRRMO ng Ampatuan, Maguindanao del Sur sa mga lugar na naapektuhan ng patuloy na pag-ulan.
Ang tuloy-tuloy na pag-ulan ay dulot ng habagat o southwest monsoon na pinalakas ng Tropical Depression Kiyapo, dahilan ng pagtaas ng tubig sa ilang mabababang lugar sa bayan.
Kabilang sa mga lugar na nakaranas ng pagbaha ang ilang barangay sa Ampatuan, kung saan patuloy na binabantayan ng mga awtoridad ang sitwasyon upang matiyak ang kaligtasan ng mga residente.
Pinapayuhan ang publiko na manatiling alerto, makinig sa mga abiso ng lokal na pamahalaan, at iwasang tumawid sa mga binahang lugar upang maiwasan ang anumang sakuna.
