Pormal nang nanumpa ang daan-daang bagong kasapi ng Bangsamoro Federalist Party (BFP) mula sa Special Geographic Area (SGA)-BARMM sa isang mass oath-taking na ginanap noong Sabado, Agosto 1, sa bayan ng Midsayap.
Pinamunuan ang seremonya nina BFP Party President Dr. Tomanda Antok at Member of Parliament Butch Malang, katuwang ang iba pang mga lider at opisyal ng partido.
Sa pamamagitan ng kanilang panunumpa, ipinahayag ng mga bagong miyembro ang kanilang pagsuporta sa mga programa, prinsipyo, at adbokasiya ng Bangsamoro Federalist Party.
Nakiisa rin sa aktibidad sina SGA 2nd District Member of Parliament aspirant Dulia Sultan, BFP Party Nominee Junalyn Sumlay, Women Sector Representative Jehan Usop, Youth Sector Representative Nul Jamil Ibrahim, at Nabalawag Mayor Datu Renz Tukuran.
Ayon sa pamunuan ng partido, bahagi ang naturang pagtitipon sa pagpapalakas ng kanilang hanay sa Special Geographic Area bilang paghahanda para sa nalalapit na Bangsamoro Parliamentary Elections.
