Isang ambush ang naganap laban sa mga tauhan ng 32nd Infantry Battalion (32IB) noong ika-22 ng Enero 2025, bandang 5:10 ng hapon, sa Barangay Upper Cabengbeng, Sumisip, Basilan.
Ayon sa paunang imbestigasyon, ang convoy ng Headquarters Company ng 32IB ay patungo sa nasabing lugar upang sunduin ang mga kinatawan ng United Nations Development Program (UNDP) nang bigla silang tambangan ng hindi pa nakikilalang grupo ng armadong kalalakihan.
Nagresulta ito sa 12 sugatan at 2 nasawi sa panig ng militar, habang hindi pa matukoy ang bilang ng mga nasawi o sugatan sa panig ng mga suspek.
Sa kasalukuyan, patuloy pa rin ang bakbakan sa lugar.
Agad namang nagsagawa ng karagdagang imbestigasyon ang mga operatiba ng 32IB. Naiulat na rin ang insidente sa S2 at 101st Infantry Brigade para sa karagdagang aksyon.
