Apat na matataas na uri ng baril ang isinuko ng isang kapitan sa bayan ng Datu Saudi Ampatuan, Maguindanao del Sur sa pulisya.
Ayon kay Dapiawan Barangay Captain Ibrahim Guno, isinuko sa kanya ng mga residente ang apat na matataas na uri ng baril kung kaya ay dinala niya ito sa tanggapan ng Datu Saudi Ampatuan MPS para sa kaukulang disposisyon.
Kinabibilangan ang mga naisuko ng isang M16 rifle na may marka ng AFP property dalawa pang M16 at isang bushmaster 5.56mm.
Ayon naman sa DSA PNP, resulta ito ng walang katapusang promosyon upang isuko na ng mga may hawak ang kanilang loose firearms sa tulong ng kanilang mga BLGUS.
Ang mga baril ay nasa kustodiya na ng Datu Saudi MPS at nakatakdang ibigay sa pamamahala ng PSAO ng MDSPPO.
