Hindi na nakapanlaban pa sa mga operatiba ang isang personalidad na nasa regional target list at umaaktong drugden maintainer at ilan pang mga kasapakat nito sa buybust na isinagawa ng PDEA BARMM sa Sitio Broce Zone 4, Tamontaka sa bayan ng Datu Odin Sinsuat, Maguindanao del Norte.
Kinilala ang mga suspek na si Baiwata Ala y Amirol alyas Baiwata na siyang maintainer at regional target list personality at mga kasamahan nitong sina Jackson Mandi, Jeffrey Abdullah at Jihad Abdullah.
Nasamsam sa mga ito ang 42 pirasong heat sealed transparent sachet ng iligal na droga na may bigat na 25 gramo at may halaga na 170,000, mga parapernalya at bust money.
Kulong ang mga durugista sa pasilidad pampiitan ng PDEA BARMM at mahaharap sa asuntong paglabag sa RA 9165.
