Patay sa pananambang ang magtiyo sa bayan ng Lebak sa lalawigan ng Sultan Kudarat. Kinilala ang mga biktima na sina Henry Racho na isang guro, Dean of College at Sports Coordinator sa Notre Dame of Salaman College habang ang pamangkin nito ay si Erick Moyet.
Base sa salaysay sa kapulisan, sakay ng motor ang dalawa pauwi sa bayan ng Kalamansig nang bigla itong paulanan ng bala ng di kilalang suspek sa Barangay Marigaeg.
On the spot na namatay ang pamangkin ni Racho na si Moyet habang namatay rin kinalaunan si Racho sa bahay pagamutan habang nilalapatan ito ng paunang lunas.
Samantala naman, patay matapos tambangan ang isang mag kabiyak sa Barangay Sta. Clara sa bayan ng Kalamansig sa lalawigan pa rin ng Sultan Kudarat.
Kinilala ang mga biktima na sina Nestor at Marilou Rondon na nakatira sa nabanggit na lugar. Patuloy naman sa imbestigasyon ang kapulisan sa magkasunod na insidente ng pamamaril sa dalawang bayan ng nabanggit na lalawigan.
