Dalawa ang nasawi habang pito ang sugatan sa isang malagim na aksidente na naganap alas-5:45 ng hapon nitong Biyernes, Abril 4, 2025, sa kahabaan ng National Highway sa tapat ng barangay hall ng Brgy. Impao, Isulan.
Batay sa ulat ng pulisya, kabilang sa mga nasawi sina Charlie Mae Malacapay, 40 taong gulang, at isang batang si Aaliya Angel Malacapay, 8 taong gulang. Kapwa sila sakay ng isang MG sedan.
Sugatan naman ang driver ng sedan na si Nelson Mijares Malacapay Jr., 46 anyos, may asawa, at ilan pang pasahero nito na sina Merlyn Flores, 63; Shamona Flores, 17; Jesil F. Lopez, 36; Jonela F. Lopez, 7; at Connie Sanico, 62 — pawang mga residente ng Purok Samadinalagon, Brgy. Daladap, Esperanza, Sultan Kudarat.
Sugatan din ang driver ng kasangkot na pick-up na si Joven Ampo Catubo, 29 anyos, may asawa, at residente ng Purok 9, Brgy. Poblacion, Tacurong City.
Patuloy ang imbestigasyon ng mga awtoridad upang alamin ang sanhi ng aksidente.
