Isang lalaking OFW ang pinagbabaril-patay sa Barangay Pagatin 1, Shariff Saydona Mustapha Maguindanao del Sur pasado alas dos ng hapon kahapon araw ng Linggo, December 29.

Sa impormasyong nakalap ng Star FM Cotabato News Team, Kinilala ang biktima na si Udasan Abas, 37 anyos, OFW at residente ng Libutan Mamasapano Maguindanao del Sur.

Lumalabas sa inisyal na imbestigasyon ng Maguindanao del Sur Police Provincial Office na pauwi na sana sa Mamasapano ang biktima sakay ng kanyang motorsiklo nang sapitin nito ang Shariff Saydona Mustapha ay pinagbabaril siya ng hindi pa nakikilalang suspek na sakay ng Mini van.

Nagtamo ng tama ng bala ang biktima sa iba’t-ibang parte ng kanyang katawan na syang dahilan ng agaran nitong kamatayan. 

Nagpapatuloy parin ang imbestigasyon ng kapulisan hinggil sa insidente. 


 
















RELATED ARTICLESMORE FROM AUTHOR