Plano na ngayon ng Cotabato City Police Office o CCPO na dagdagan pa ang mga police outposts na nakakalat sa ibat ibang lugar sa kalungsuran.
Sa ngayon, aabot sa 32 lamang ang mga installed outposts ng PNP sa lungsod na sumisiguro sa kapayapaan at seguridad sa lugar.
Binigyang imposisyon naman ni CCPO City Director PCol. Jibin Bongcayao na kahit madagdagan pa ang outpost o pwersa ng pulisya sa lugar, kung mahina naman ang suporta ng mga nasa laylayan o kumunidad ay siguradong makakalusot pa rin ang kriminalidad sa lungsod.
Kaya abot abot naman ang pagpapasalamat ng CCPO sa binuong QRT o Quick Response Team ng pamahalaang lungsod dahil sa kahit sila ay nasa civilian state o civilian in nature at boluntaryo lamang na nagseserbisyo ay nagiging katuwang nila ito para sa pagpapanatili ng kapayapaan at seguridad ng lungsod.
